Avdelingsingeniør (vikariat)

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Ved Det medisinske fakultet, Klinisk institutt 2, er det ledig eit vikariat for eitt (1) år som avdelingsingeniør (100 %). Stillinga er eksternt finansiert og knytt til prosjektet Oral and Environmental Microbiome, Endotoxin and Lung Health; the United Airways concept extended.
Det er ønskeleg med oppstart i oktober.

• kvalitetssikring av data samla inn elektronisk
• registrering av data (frå papirspørreskjema) i databasar
• harmonisere og koble kliniske- og spørreskjema-data frå ulike studiesentre saman
• skreddarsy datasett til forskarar på forespørsel
• vidareutvikle og vedlikehalde biobankdatabase
• dokumentere og skrive korte skildringar av større arbeider til seinare gjenbruk
• arbeid med nettsideløysingar kan vere aktuelt
• bidra på klinisk undersøking av studiedeltakarar (t.d. intervju og prøvetaking)
• ringe til studiedeltakarar for å avtale tidspunkt for undersøking

Det kan verte aktuelt å leggje andre oppgåver til stillinga.

• søkjar må ha relevant bachelorgrad. Lang relevant praksis kombinert med relevant etter- og vidareutdanning kan i særskilte tilfelle kompensere for utdanningskravet
• relevant praksis er eit krav
• grunnleggande kjennskap til programmeringsspråk
• erfaring med datahandtering med STATA er påkravd
• erfaring med Excel er påkravd
• kjennskap til SQL for vidareutvikling av biobank database (MS SQL server)
• erfaring med nettsideløysingar vil vere ein føremon
• må beherske norsk, munnleg og skriftleg

Vi søkjer ein person som

• har gode kommunikasjons- og samarbeidseigenskapar
• har digital kompetanse og evne til å tileigne seg nye ferdigheiter
• er tolmodig og grundig i si planlegging og utvikling av løysingarer
• mottakeleg og ope for andre sine meiningar og behov
• tar initiativ til å kan utvikle nye eller utbetre eksisterande databasar

Ved vurdering av søkjaren vil vi leggje stor vekt på dei personlege eigenskapane som er naudsynte for stillinga.

• spanande og utviklande arbeidsoppgåver i eit sterkt fagmiljø
• stilling som avdelingsingeniør (kode 1085/22.10) med bachelorgrad i lønssteg 47-52 (for tida kr 439 900 – 475 800), For særs kvalifisert søkjar kan høgare løn vurderast
• Medlemsskap i Statens pensjonskasse
• Gode velferdsordningar

Utfyllande opplysingar om stillinga kan ein få ved å vende seg til:
Forskar Randi J Bertelsen, e-post: randi.j.bertelsen@uib.no , telefon (mobil: 99674046)

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentleg sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her .

Om arbeidsgiveren:

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og sju senter.  Les meir om fakultet  og  tilhøyrande institutt.